التسجيل في المبيت يتم على مرحلتين:
المرحلة الأولى: تتم عن طريق الأنترنات: يعني تعمل مطلب و تبقى تستنى النتيجة تهبط.
المرحلة الثانية: بعد الإعلان عن النتيجة: يعني كيف تلقى في النتيجة إلي هوما قبلوك، تلم الأوراق اللي لازمينك الكل و تنجم تمشي لمقر المبيت و تسكن على روحك.
ماهي شروط التمتع بالسكن الجامعي:
1. يجب أن لا يتجاوز سن الطالب 26 سنة من تاريخ تقديم مطلب السكن الجامعي
2. يجب أن لا تقل المسافة بين مقر إقامة الطالب و مؤسسة التعليم العالي المرسم بها عن 30 كلم.
المرحلة الأولى: مرحلة التسجيل عن بعد:
وقت إلي يحل ديوان الخدمات الجامعية الراجع ليك بالنظر تقوم بإدخال رقم الباكالوريا و رقم بطاقة التعريف الوطنية المتكون من 8 أرقام
و تقوم بعملية التسجيل عن بعد و المعلومات اللي باش تقوم بإدخالها يلزم تكون باللغة العربية.
توضيحات:
أولا: الأخوة في الكفالة: يعني الأخوة إلي مازال متكفل بيهم بوك.
ثانيا: بعد القيام بعملية التسجيل ليس من الضروري طابعة وصل التسجيل.
ثالثا: بالنسبة للطلبة الذين سوف يقومون بإعادة توجيه يجب أن يقومو بإجراء عملية تسجيل حسب الدورة متاعهم، و منبعد إذا قبلوك تعاود تعمل تسجيل حسب الإختيار الجديد متاعك.
رابعا: وقتلي تطلع النتيجة باش يعطوك تاريخ يلزمك تمشي فيه للمبيت و تنجم تمشي بعد أسبوع عادي المهم متفوتش 7 أيام من تاريخ النتيجة خاطر تنجم تخسر بلاصتك في المبيت و زدى ردبالك تمشي قبل تاريخ إلي قالك عليه خاطر كيف تمشي ينجم يقلك أرجع غدوى.
خامسا: فيما يخص شهادة طبية في آخر دورات التوجيه باش تمشي للمعهد متاعك يعطوك الدفتر الصحي و منبعد تمشي للسبيطار باش يعدي عليك طبيب يعطيك شهادة طبية تثبت إلي معندك حتى أمراض معدية و بالنسبة للدفتر الصحي باش تعطيه للفاك و الشهادة الطبية باش تعطيها للمبيت.
خامسا: فيما يخص شهادة طبية في آخر دورات التوجيه باش تمشي للمعهد متاعك يعطوك الدفتر الصحي و منبعد تمشي للسبيطار باش يعدي عليك طبيب يعطيك شهادة طبية تثبت إلي معندك حتى أمراض معدية و بالنسبة للدفتر الصحي باش تعطيه للفاك و الشهادة الطبية باش تعطيها للمبيت.
ديوان الخدمات الجامعية بالشمال:
الولايات التي تنتمي إلى ديوان الخدمات الجامعية بالشمال هم:
تونس و أريانة و بن عروس و منوبة و نابل و بنزرت و زغوان و سليانة و الكاف و باجة و جندوبة.
ديوان الخدمات الجامعية بالوسط:
الولايات التي تنتمي إلى ديوان الخدمات الجامعية بالوسط هم:
سيدي بوزيد و سوسة و المنستير و المهدية و القصرين و القيروان.
ديوان الخدمات الجامعية بالجنوب:
الولايات التي تنتمي إلى ديوان الخدمات الجامعية بالجنوب هم:
صفاقس و قابس و مدنين و تطاوين وقفصة.
المرحلة الثانية: الإتصال مباشرة بالمبيت و التسجيل على عين المكان:
بعد ما تطلع النتيجة ( الإعلان عن النتائج يتم في نفس الموقع إلي رسمت فيه المرة الأولى ) و باش تلقى مع النتيجة واقتاه يلزمك تمشي للمبيت و تلقى زدى ورقة إسمها وثيقة الموافقة على السكن فيها إسمك و لقبك و معطياتك الشخصية و في أي مبيت حطوك و متنساش الأوراق إلي طلبوهم عليك يلزمك تحضرهم و تهزهم معاك و الوثائق مالعادة هوما:
الوثائق المطلوبة:
1. وثيقة الإعلام بالموافقة على السكن: يتم إستخراجها من نفس الموقع اللي رسمت فيه و إلي يلزمك تطبعها بعد ما تطلع النتيجة.
2. نسخة من وصل الترسيم بمؤسسة من مؤسسات التعليم العالي العمومي: تخرجها بعد ماتخلص الفاك.
3. شهادة إقامة الأب أو الولي القانوني: تنجم تخرجها من المركز بإسمك و لكن من المستحسن بإسم بوك
4. نسخة من بطاقة التعريف الوطنية للطالب
5. شهادة طبية تثبت سلامة الطالب من الأمراض المعدية: تأخوها مع الدفتر الصحي وقتلي تهزو للمستوصف و تنجم زدى تعملها في الخاص.
6. ظرفين خالصا معلوم البريد أحدهما بمعلوم رسالة مضمون الوصول يحملان العنوان القار للطالب و الترقيم البريدي .
7. 2 صور شمسية تحملان إسم الطالب و رقم بطاقة تعريفه الوطنية.
8. وثيقة الإلتزام بإحترام النظام الداخلي معرف بالإمضاء من طرف الطالب
تعريفة السكن الجامعي:
أول ما تجي باش تدخل للمبيت باش تخلص 60 دينار و في جانفي باش تخلص 30 دينار و في أفريل باش تخلص 30 دينار و نحب نقلك حاجة روا إذا متضيعش التوصيل متاعك و ما تعمل حتى مشكلة و إلا عركة في المبيت باش يرجعولك في آخر العام 20 دينار.